GGT DANCE MASTERCLASS: LEIRE DALLAS

• Eguna: Ekainak 7

• Lekua: D'Elikatuz, Ordizia

• Ordua: 18:00etan

Informazio gehiago

GGT KONTZERTUAK

• Eguna: Ekainak 8

• Lekua: Plaza nagusia, Ordizia

• Ordua: 19:30etik aurrera

• Sarrera: Dohainik

Kontzertuen ordutegia:

19:30etik aurrera

• Aurkezlea: AYVEE (Andrea Vitoria)
• KM0 artista:  DJ TINTZ
• Artista nagusiak: TATTA eta WE ARE ESPINELIS

 AURKEZLEA  

AYVEE (Andrea Vitoria)

Txikitatik musikarekiko grina oso handia izanik, Ayveek koreografiak sortu, abestu eta emanaldiak ematen zituen eskolan; horrela, 2020ko irailean lehen abestia atera zuen: “Amaitu da”. Bere inguruan ondo zabaldu zen, eta hainbat elkarrizketa egin zituen irratian, telebistan eta sare sozialetan.

Pandemiaren ondoren gertaera lazgarri bat jasan ondoren, depresioan murgildu zen, eta ezin izan zuen jarraitu musika sortzen; baina errekuperazio luze baten ondoren, bere bigarren diskoa sortu du, gertatu den guztia salatuz eta kontatuz.

Medusa diskoa kaleratu ondoren, oihartzun mediatiko handia izan zuen eta emakume askori lagundu ahal izan die, bere barrua ireki eta gertatu zitzaiona kontatuz.

KM0 ARTISTA  

DJ TINTZ

Andoni Martínez, DJ Tintz, DJ profesionala da 2019az geroztik. Txikitatik gustatzen zaio musika, eta maiz aritzen da Santa Isabel jaietan eta Eivissako bi diskotekatan. Diskoteka batzuek disko-jartzaile egoiliar izatea eskaini dioten arren, nahiago du bere "showcase-a” ekitaldi eta publiko desberdinetara eraman.

DJ gisa hamarkada bat baino gehiago eman ondoren, Euskadiko hainbat jai eta aretotan jo du, hala nola Kube Tafallan, Lur Elizondon, Gares aretoan, Venezia aretoan eta Trova aretoan.

ARTISTA NAGUSIAK  

TATTA

Euskal Herriko hiri-generoko artista garrantzitsuenetako bat bihurtu ondoren, Arrasateko Tatta abeslariak "Martin" album berria aurkeztuko du Denso ekoizlearekin batera. Gaztea Sarietan 2023ko "Abesti Onenaren Sarirako" izendapenekin eta iaz Euskal Herrian eta Madrilen ibilita, gipuzkoarra bere unerik onenean iritsi da "Martinen” aurkezpenetara.

Show berrituarekin, azken urteetan hazi diren artistekin ospatuko dute azken lanaren merkaturatzea. Alde batetik, Mutiko, Tattarekin batera "Gameboy" lehen lana aurkeztu zuena; eta bestetik, Etxepe, 2023ko "Etxepe Kids" eta "Etxeperreo" lanak aurkezten jarraitzen dutenak.

WE ARE ESPINELIS 

ESPINELIS taldea Bermeoko Herbass & M ARTA taldeek osatzen dute. Hamar urteren ondoren proiektu berri bat aurkezten dute Dj Learekin batera. Hiru emakume boteretsu dira, ondo pasatzeko prest eta giro politak sortzeko gogoz mezu argiak eta laburrak helarazten dituztenak; dena hankaz gora jartzeko asmoarekin beti.

Bere letrak, euskaraz zein gaztelaniaz, feministak, eta arrazisten eta faxisten aurkakoak dira. Bere helburua beti izan da bizi garen mundu eta gizarte bidegabeari aurre egitea. Bere musikan dancehall, reggae, techno eta antzeko estiloak entzun ahal izango ditugu.

MASTERCLASS: LEIRE DALLAS

Leire Urquijo Errenterian jaio zen eta gaur egun Madrilen bizi da. Dantzari profesionala da, hainbat urteko esperientzia du, eta irakasle eta koreografo lanak egiten ditu. Gaur egun, "Arima" lehiaketa taldeko koreografo gisa aritzen da Madrilen, baita Natalia Lacunzaren hurrengo tourrerako koreografoa da. Dantzaria da, besteak beste, Bad Gyal, Nicki Nicole, Rels B, Aleesha eta Vicco artisten tourretan. Gainera, Operación Triunfo 2023ko dantza taldearen parte izan da.