Haurrentzako lehen sorospenak (BERRIA)

Helburu orokorra:

• Prestakuntza-ekintza honen helburu nagusia da parte-hartzaileei lehen laguntza pediatrikoak zer diren eta zer eskatzen duten jakiteko ezagutzak eta tresnak helaraztea, larrialdi-egoera batean istripu edo gaixotasun bat izan duten haurrei laguntza eraginkorra emateko. Horrela, lehen minutu erabakigarri horiei segurtasun osoz aurre egin ahal izango diete.

Helburuak:

• Istripuak saihesten ikastea.
• Auto-babeserako eta lehen sorospenerako beharrezkoak diren prozedura eta teknika egokiak aplikatzea.
• Bizi-larrialdi egoerak identifikatzea eta konpontzea.

Landuko diren edukiak eta gaitasunak: 

• Larrialdietarako jarraibideak: BAS jokaera gauzatzen ikastea.
• Bihotz-biriketako geldialdia pediatrian: arrazoiak, gogoetak.
• Oinarrizko bizi-euskarria: algoritmo unibertsala, haurrentzako egokitzapena.
• Lehen sorospenak: arnasbidearen buxadura, odol-jarioak eta shocka, zauriak, erredurak, traumatismoak eta pediatriako ohiko gaixotasunak.
• Heimlich-en maniobra behar bezala egiten jakitea.

Metodologia:

Edukiak garatzeko partaidetzazko metodologia kontzeptuak bilatu eta asimilatzean bete behar duten zeregin aktiboan oinarritzen da, irakasleek uneoro gainbegiratutako partaidetzazko lan praktiko baten bidez. Horretarako, eskema honi jarraituko zaio:

• Sarrerako azalpen teoriko laburra, taldeak landu beharreko jardueraren oinarriekin.
• Prestatzaileak exekuzio teknikoa modelatzea.
• Parte-hartzaileen entrenamendua, behatutako jokabidearen arabera.
• Hitzezko errefortzua eta hobetzeko iradokizunak: prestatzaileak gainbegiratu eta zuzentzen du, hala badagokio.

Prestakuntza-saioetan simulazioak egingo dira eta lehen mailako arretan ohikoak diren egoerak praktikatuko dira.

 Trebatzaileak hitzaldia edo tailerra garatzeko behar duen materiala:

• Trebatzailearen arabera.