Otalarrea esperimentazio finka

Bertako sagarren aldeko erronka

Gipuzkoako Foru Aldundiak urteak daramatza lanean Gipuzkoan egiten den sagardo guztia Gipuzkoan ekoiztutako sagarrarekin eta bertako barietateekin egin dadin. Zertarako? Sagardoaren kalitatea hobetzeko eta nekazaritza eta abeltzaintza ustiategiak errentagarriago bihurtzeko, hartara ustiategiak hustu ez daitezen eta gazteak ekoizle bihur daitezen.

Helburu nagusiak

Otalarrean proiektu handi bat jarri dugu abian, hiru helburu nagusirekin:

1. Bertako barietateak gordetzea.
2. Mintegi jabeei eta baserritarrei ugalketarako landare material osasuntsua eskaintzea.
3. Bertako sagardotarako sagarrondoen barietatearekin esperimentatzea.