Berriak

Kutxa Fundazioak martxan jarri du Inspira Gazteak sarien bigarren edizioa. Ekimen honen helburua da Gipuzkoako 20 eta 30 urte bitarteko gazteak bereiztea, aintzat hartzea eta babestea.

5 gazte sarituko dira beren ibilbide pertsonal eta profesionalagatik, lidergoagatik eta hazteko potentzialagatik, ekintzailetza-gaitasunagatik, merezimenduengatik eta beste pertsona batzuentzat eredu izateagatik. Deialdia Gipuzkoako 20 eta 30 urte bitarteko gazteei zuzenduta dago eta hautagaiak aurkezteko epea martxoaren 23ra arte luzatuko da.

Hainbat konpromiso-ibilbide sarituko dira:

• Gizarte-kontzientzia duten gazteak, desberdintasun sozialak murrizteko proiektu eta ekintzetan parte hartzen dutenak edo sustatzen dituztenak.
• Planetaren ongizatearekin eta jasangarritasunarekin konpromisoa dutenak, aktibismotik, salaketatik, ikerketarik edo boluntariotzatik inplikatzen direnak.
• Artearen bidez inguru kultuagoa eta sortzaileagoa eraikitzen ari direnak, pentsamendu kritikoa sustatuz eta gogoeta eta begirada zabalduz.>
• Prestakuntza eta ibilbide profesional desberdinak dituzten gazteak, gizarte-ekintzailetzara, enpresa-ekimen berritzaileetara eta lurraldean ekosozialki inpaktu handia izan dezaketen proiektuetara bideratuta lan egiten dutenak.
• Gipuzkoari ekarpena egiteko bestelako ekimenetan parte hartzen ari direnak.

Aurkeztutako proiektu guztietatik 5 aukeratuko dira, eta proiektu bakoitzak 15.000 euroko laguntza jasoko du. Epaimahai batek INSPIRA GAZTEAK sariak eztabaidatu eta ebatziko ditu, eta sarituen izenak ekainaren 26an egingo den sari-banaketako ekitaldian jakinaraziko dira.

OINARRIAK

INFORMAZIO GEHIAGO

Jarraitu gure sareak