Berriak

Gipuzkoako Foru Aldundiko Gazteria Zuzendaritza, Euskadiko Gazteriaren Kontseiluarekin (EGK) lankidetzan, Gipuzkoako aisialdiko taldeen mapa eguneratu eta berritzeko lanean ari da. Talde edo elkarte horiek haur eta nerabeen bizitzan duten balioaz eta garrantziaz jabetuta, mapa bakar batean bildu nahi dituzte aisialdiko taldeak, beren lana ikusarazteko eta sarea sendotzeko.

Gipuzkoak ibilbide luzea du aisialdi hezigarriaren esparruan, hainbat profesional eta boluntarioren inplikazioari esker. Profesional horiek, ikuspegi pedagogiko eta integratzaile batetik, baloreetan oinarritutako hezkuntza ez-formalaren bidez, haurrekin eta nerabeekin lan egiten dute funtsezko alderdietan, hala nola hezkidetzan, garapen komunitarioan edo euskararen sustapenean, besteak beste. Aldundiak aitortu eta babestu egiten du lan garrantzitsu hori, eta, horregatik, funtsezkotzat jotzen du talde eta ekimen horiei ikusgarritasun handiagoa ematea.

Izena emateko formularioa

Mapa berrian agertzeko, aisialdi taldeek formulario sinple hau bete behar dute. Formularioan taldearen izena, herria edo auzoa eta harremanetarako datuak zehaztu behar dira. Maparekin amaitutakoan, hainbat ekintzaren bidez zabalduko da, Gipuzkoako aisialdi hezigarriaren mugimenduaren aberastasuna, aniztasuna eta eskaintza ezagutarazteko.

INFORMAZIO GUZTIA

Jarraitu gure sareak