Atzealdea Etikasi 2025 programan parte hartzeko deialdia martxan da

Etika eta giza eskubideen inguruan ikasi eta hausnartuko dute Polonian, Ipar Irlandan eta Euskadin egingo dituzten bisita hezigarrien bidez

2025/02/27

Euskadiko Gazteriaren Kontseiluak (EGK), Etikasi 2025 programan parte hartzeko deialdia abian du. Giza eskubideetan oinarritutako hezkuntza-proiektu honek bakearen, aniztasunaren eta elkartasunaren aldeko hausnarketa eta konpromisoa sustatu nahi ditu, enpatia sustatuz, bizikidetzarako funtsezko giltzarri gisa. 

Giza eskubideen urraketak bizi izan diren Europako leku historikoetara egindako hezkuntza-bisiten bidez, parte-hartzaileek zuzenean ezagutu ahal izango dituzte eragin pedagogiko handia duten hainbat errealitate eta esperientzia. Aurtengo helmugak Polonia, Ipar Irlanda eta Euskadi dira.

Adinaren araberako bi modalitate

Programa bi modalitatetan garatzen da, parte-hartzaileen profilaren arabera:

Etikasi-Polonia: Euskadiko ikastetxeetako Batxilergoko 1. mailako ikasleei zuzendua. Gehienez 30 ikasle joango dira Krakoviara (Polonia) ekainaren 17tik 20ra, hirira eta Auschwitzeko kontzentrazio-esparrura bisitak eginez.
 

  • Parte hartzeko, izena ematea gelako tutoreak egin behar du martxoaren 14a baino lehen. Ikasleek giza eskubideei buruzko bideo bat aurkeztu beharko dute martxoaren 21a baino lehen.
     

Etikasi-Ipar Irlanda eta Euskadi: Unibertsitate Graduko edo Lanbide Heziketako erdi-mailako zein goi-mailako ikasketak egiten dituzten 18 eta 30 urte bitarteko 20 gazteri zuzenduta dago. Programa honek bi bidai ditu:

- Ipar Irlanda (Belfast eta Derry): uztailaren 4tik 8ra.
- Euskadi (Pasaia eta Errenteria): Asteburua urriaren 3tik 5era.
 

  • Parte hartzeko, martxoaren 16a baino lehen, gazteek honako hauek egin behar dituzte: izena emateko galdetegia bete, ikasturte honetako matrikula bidali, ingeleseko B2 mailako ziurtagiria aurkeztu eta giza eskubideei buruzko hausnarketa idatzi (1.200 eta 1.500 hitz artean). Eskatutako dokumentazioa bakea@egk.eus helbidera bidali beharko dute, "Etikasi 2025" gaiarekin.

 

Plazak mugatuak direnez, Hezkuntzan, Giza Eskubideetan eta Kulturan adituak diren pertsonek osatutako epaimahai batek hautaketa-prozesu bat egingo du, EGK-ko ordezkaritza batekin batera.

INFORMAZIO GUZTIA

 

 

 

Jarraitu gure sareak