Berriak

Eusko Jaurlaritzak Emantzipa programaren deialdi berria jarri du martxan, independizatu nahi diren gazteentzat. Laguntza-programa honen helburua da gazteen emantzipazioa bultzatzea, gehienez ere bi urtez, hilean 300 euroko ekarpen zuzena eginez.

300 euro arteko hileko laguntza

Programak 300 euro arteko laguntza eskaintzen du hilero, etxebizitza baten alokairuaren edo erosketaren kostuaren zati bat ordaintzeko. Deialdi honen berritasun nagusia da Eusko Jaurlaritzak igo egin duela laguntzak jasotzeko diru-sarreren gehieneko muga: errenta aitorpena banaka ordainduz gero, 28.000 eurotik 30.000 eurora pasatu da, eta, beste inorekin batera eginez gero, 34.000 eurotik 36.500 eurora.

Nork eska ditzake emantzipaziorako laguntzak?

Programaren onuradun izateko baldintzak honako hauek dira:

• 25 eta 29 urte bitartean izatea.
• Euskadin erroldatuta egotea eta etxebizitzan erroldatuta egotea.
• Urteko diru-sarrerak 3.000 eta 30.000 euro artekoak izatea (banakako tributazioa) edo 3.000 eta 36.500 euro artekoak (baterako tributazioa).
• Alokairu edo salerosketa kontratua nork bere izenean izatea.
• Jabetzako etxebizitza baten titularra ez izatea, eta errentariarekin familia-loturarik ez izatea.
   

Nola eskatu Emantzipa laguntzak?

Programan izena emateko, Eusko Jaurlaritzaren atari ofiziala erabil daiteke, Etxebizitza atalean. Tramitazioa erabat telematikoa da, eta BAKQ bezalako gako-sistema digital batekin identifikatu behar da. Beharrezkoa izango da hainbat dokumentu aurkeztea, hala nola errentamendu-kontratua, errolda-ziurtagiria eta diru-sarreren egiaztagiriak.

INFORMAZIO GUZTIA

Jarraitu gure sareak