Atzealdea Uda Gaztea 2025: Uda honetan ere gazteentzako deskontuak tren, autobus eta interrail bidaietan

1996 eta 2007 urteen bitartean jaiotako gazteek, deskontu handiak izango dituzte uztailaren 1etik irailaren 30era arte Europan eta Estatuan zehar bidaiatzeko

2025/06/18


Uda honetan 18 eta 30 urte bitarteko gazteek deskontuak izango dituzte autobus- eta tren-txarteletan. Gazteen artean mugikortasun jasangarria errazteko, "Uda gaztea" izeneko deskontuak jarri dira martxan berriro hirugarrenez.

Deskontuak jaso ahal izateko, beharrezkoa da 1995eko urtarrilaren 1etik 2007ko abenduaren 31ra (18-30 urte) jaioa izatea eta nazionalitate espainiarra edo legezko bizilekua Espainian izatea (atzerritarrak barne). Uztailaren 1etik irailaren 30era bitartean egiten diren bidaiak diruz lagunduko dira. Horretarako, ekainaren 17tik aurrera erregistratu beharko da webgunean.

 

Zein dira deskontuak?

  • % 90eko deskontua distantzia ertaineko eta zabalera metrikoko tren-zerbitzuetan eta Estatuaren eskumeneko autobus erregularreko joan-etorrietarako.
  • % 50eko deskontua Avant trenetan eta distantzia luzeko edo abiadura handiko trenetan (ibilbide bakoitzeko 30 €-ko mugarekin).
  • % 50eko deskontua Renferen bidez erositako “Pase Global Flexible” bileteentzat Interrail bidaietarako (2 hilabeteetan 10 eguneko pasea).
     

Nola gozatu beherapenez?

  1. Garraio eta Mugikortasun Iraunkorraren Ministerioaren webgunean sartzea eta NAN, AIZ edo pasaportearekin erregistratzea, ekainaren 17tik aurrera edo biletea erosi baino 24 ordu lehenago.
  2. Baldintzak betetzen dituzten gazteek kode pertsonal eta besterenezin bat (QR eta alfanumerikoa) jasoko dute, beherapenez gozatzeko erabiliko dutena.
  3. Kode hori erabiltzea txartela erostean Renfe, Alsa, Ouigo, Avlo eta abarren webguneetan, "Verano Joven 2025" tarifa hautatuz.

 

INFORMAZIO GUZTIA

 

 

Jarraitu gure sareak