Atzealdea Aurten 18 urte betetzen dituzten gazteek urriaren 31era arte eskatu dezakete 400 €ko Gazte Kultura Bonua

2007 urtean jaiotako 7.532 gipuzkoarrek, kultura-produktu desberdinak eskuratu ahal izango dituzte laguntza horrekin.

2025/09/30

Kultura Ministerioak martxan du laugarrenez Gazte Kultura Bonua, 400€ kulturan gastatzeko. Aurten 18 urte betetzen dituzten gazteek, alegia 2007an jaiotakoek, jada aurkeztu dezakete eskabidea webgune ofizialean. 2025eko urriaren 31 arte eskariak egiteko aukera dago.

Bonu honek hainbat kultura-adierazpenetarako sarbidea eta deskubrimendua sustatzen ditu, eta hiru arlo jakinetan gastatu ahal izango da:

  • 200 € ikus-entzunezko arte, zuzeneko arte eta kulturarentzat (zinema, antzerkia, kontzertuak, museoak, dantza, jaialdiak, etab.).
  • 100 € produktu digitaletarako edo online produktuetarako (plataformetarako harpidetzak, prentsa digitala, ebookak, ordainpeko podcastak, bideojokoak eta app-ak).
  • 100 € kultura-produktu fisikoetarako (liburuak, komikiak, bideojokoak, diskoak, partiturak, prentsa inprimatua, musika-euskarriak eta ikus-entzunezkoak).

 

Nola eskatu Gazte Kultura Bonua

Gazte Kultura Bonua eskatzeko, beharrezkoa da ziurtagiri digitala izatea (aldez aurretik eska daiteke) identifikatu ahal izateko. Identifikazio digitala ez izatekotan, Cl@ve autentifikazio-sisteman inskribatu ahal izango da eskaera-prozesua egitean. Bonua aurreordainketako txartel batean (fisikoa edo birtuala) jasoko da, eta urtebetez erabil daiteke atxikitako 3.700 establezimendu eta plataformetan.

 

INFORMAZIO GUZTIA

 

Jarraitu gure sareak