Atzealdea Fantasiazko eta Beldurrezko Zinemaren Asteko Gazte Epaimahaian parte hartzeko izen-ematea zabalik urriaren 20ra arte

18 eta 30 urte bitarteko gazteek Donostia Gazteria webgunearen bidez izena eman dezakete

2025/10/07

Donostiako Udaleko Gazteria sailak aurten ere parte hartuko du Fantasiazko eta Beldurrezko Zinemaren Astean, 18 eta 30 urte bitarteko 150 gaztek osatutako Gazte Epaimahaiaren bitartez.


 

Hautatutako gazteen ardura izango da Donostiako Fantasiazko eta Beldurrezko Zinemaren 36. Asteko Film Labur Onenaren Gazteriaren Saria ematea. Horretarako, urriaren 31n 16:00etan, Victoria Eugenia antzokian lehiaketako film laburrak ikusi eta bozkatuko dituzte.

Zer behar da parte hartzeko?

  • 18 eta 30 urte bitarteko gaztea izatea (150 eskari baino gehiago jasoz gero, lehentasuna izango dute Donostian erroldatutakoek).
  • Donostia Gazteriaren webguneko formularioaren bidez izena ematea 2025eko urriaren 20a baino lehen.
  • Hautatua izanez gero, urriaren 25a baino lehen parte-hartzea baieztatzea.
  • Urriaren 31n 16:00etatik aurrera Victoria Eugenia antzokira joatea, film laburrak ikustera eta bozketzera.

Halaber, Gazte Epaimahaia osatzen dutenetako bik emango dute saria prentsaurrekoan, film labur irabazleen berri emateko.

TODA LA INFORMACION

 

 

Jarraitu gure sareak