Produktua. Modeloak

XX. mendean ekoizten ziren artazien eta XVI. mendekoen akaberak zertxobait aldatu ziren; hala ere, funtsean, artaziak funtzio berberak betetzeko egiten jarraitzen ziren.

1944. urtean Arrasateko Altuna, Mendizábal y Cía, S.L. izeneko enpresak bere burua gisa honetan iragartzen zuen: altzairu forjatuzko, nikelezko, ile-apaintzaileentzako, jostun lanerako, brodatze lanerako, jantzigileentzako eta larrukigileentzako, kirurgiako eta bulegoko erabileretarako, soinean eramateko, fantasiako, dendari nahiz sukaldarientzako eta beste hainbat funtzio bete zezaketen artazien fabrika.