Museo guztiak

Itsasontzi historikoak eraikitzea da Albaola Euskal Itsas Faktoriaren jarduera nagusia. Lantegi hau Pasaia San Pedro herrian dago. Gune berritzailea da, eta bertan artisautzako itsas teknologia berreskuratzen da eta balioa ematen zaio. Faktoria jendearengana irekia dago, eta haren ezaugarria da dinamikoa izatea, jardueren aniztasuna eta nazioarteko proiekzioa.

Algorri Interpretazio Zentroa Zumaiako inguru naturaletik gertu dago, eta ekosistema ezberdinak ezagutzeko aukera paregabea eskaintzen du. Zentroko ikus-entzunezko emanaldiak historia geologikoan zehar bidaia egiteko aukera ematen du. Erakusketa bisitatuz, Zumaiako ekosistema naturalak antzeman daitezke: Biotopo Babestua den marearteko zabalgunea eta flyschezko itsaslabarrak; eta Natura 2000 Sarean, Batasuneko Garrantzizko Lekua izendatu den Urola itsasadarra. Zentroak liburutegia eta tailer-gela eskaintzen dizkio bisitariari.

Gaur egungo Donostiako Aquariuma 1928an ireki zen eta bere solairu bakoitzean hiru gai erakusten ziren: itsasoko historia, itsasoko naturaren historia eta akuarioa. Horri esker Espainiako akuario eta zientzia naturalen museo zaharrena eta Euskadiko itsas museorik zaharrena dugu.1998an Aquariuma handitu zen eta bere ibilbideko inflexio-puntua izan zen. Espazioa zerbitzu eta instalazio ikusgarriekin handitzeaz gain -horien artean aipatzekoa da tunel batek zeharkatzen duen 1.800.000 litro ur dituen depositua-, berrikuntza horrek ingurumen-arazoen inguruko dibulgazioa, ikerketa eta sentsibilizazioa sustatzeko aukera eman zuen

XVI. mendean, Mutrikuko arrantzaleek, beste gremioen aurrean bere interesak babesteko, San Pedroren Arrantzale Kofradixa osatzen dute. Denborarekin, erakunde honek eginkizun asko hartuko ditu bere gain, hala nola, erreskate taldeak sortu, untziak konpontzeko diru laguntzak eman, alargun eta umezurtzei lagundu e. a.. Kargu ezberdinak aurki zitezkeen erakundea antolatzeko, hauetako bat "Etxezaina" zen, zeinak ardurarik handienak zituen, diru kontuetaz eta arrainaren salmentaz arduratzen bait zen, prezioak ere berak jartzen zituelarik.

Euskal Itsas Museoa Donostiako Portuan dagoen zentro irekia da. Jendearekiko gertutasuna du, eta modu aktiboan egiten du lan pertsonen eta itsasoaren arteko harremana ezagutarazteko, behin-behineko erakusketen eta kultur dinamizazioko programen bidez. Era berean, Untzi Museoaren helburuetako bat da kanpoko harreman sare bat eraikitzea. Sare horri esker, Euskal Herriko itsas historia eta kulturarekin loturiko ekimenen erreferentea da.

MATER 1990ean eraikia, egurrez egindako azken atunontzia izan zen. Bere baitan biltzen du ontzi tradizionalen ohiko egitura eta horri itsas-ingurunearekiko errespetuzko arrantza-teknikak lotuta, euskaldunen itsas kulturaren adibide aparta bilakatzen dute. Dituen instalazio originalek, batetik, eta barkuaren sotoak erakusketa gune izateko egokitzeak, bestetik, aukera ematen dute Kantauriko arrantza mundu ezezagunean barneratzeko, eta halaber bisitariari itsas-ingurunera hurbiltzeko aukera aparta eskaintzen diote.

NAUTILUS Interpretazio Zentroa bisitatzea, denboran zehar bidaiatzearen modukoa da, dinosaurioak lurrean nagusi eta AMMONITEAK itsasoaren errege ziren garaia arte. Interpretazio zentro honek, Mutrikuko itsaslabarretan berreskuratutako fosilen bilduma aparta gordetzen du. Jakizu, ikasgunean erakusten diren ale guztiak Jésus Mária Narvaez eta Esperanza Azkarragak aurkitu eta berreskuratu dituztela, azken hogeita hamar urteetan. Gaur egun, ikasgune geologiko interesgarri hau zabalik egotea, haien lan ikaragarriari zor diogu.