Gipuzkoako museo guztiak

Urretxuko Aizpurunea kultur etxeko beheko solairuan dago kokatua. Bi zati bereizten dira: bata, mineralei dagokiena, 1.000 pieza inguru katalogatuta dituena eta konposizioaren arabera hamaika taldetan sailkatuak daudenak; bestea, fosilei dagokiena, bost kontinenteetatik jasoak, eta kronologikoki jarriak. Gainera, erakusketa honek badu harkaitzei eskainitako leku berezi bat.

Jauregi, 19 20700 - Urretxu
Webgunea bisitatu

Museo honetan erleen antolakuntza eta komunikazioan sakontzeko aukera izango duzu teknologia aurreratuenen laguntzaz. Gainera, erleak ikusi ahal izango dituzu kristalezko erlauntz berezi batzuen barnean. Hemen, abaraskak nola eraikitzen dituzten, nola ikusten duten, erregina nolakoa den, haien dantza bidezko komunikazio zehatza zertan datzan,... zuzenean ikusi ahal izango duzu.

Santa Barbarako bidea - 20700 Urretxu
Webgunea bisitatu

Anduetza Parketxeak Aizkorri-Aratz parke naturala ikusteko, sentitzeko eta interpretatzeko beste modu bat aurkezten digu; ez digu soilik parkeko natura aberastasuna erakusten, honekin bat mendeetan zehar naturaren eta gizakiaren arteko elkarbizitzak sortu duen paisaia kulturala ere erakusten du.

Andueza etxea, s/n. 20215 - - Zegama
Webgunea bisitatu

Gipuzkoa eta Nafarroa arteko mugan eta Aralar Parke Naturalaren barruan. Errepide ertzean, Lizarrusti portuaren gainean dago kokatua (621 m.). Gipuzkoatik, Ataun zeharkatuz iristen da (Beasaindik 18 km.). Nafarroatik, Arbizu eta Etxarri Aranatz herrietatik.

Casa de Mikeletes Alto de Lizarrusti s/n Ataun
Webgunea bisitatu

Aiako Harria Parke Naturaleko sarbideetako batean, mendigunearen baldintza geologikoen pean kokatzen da Arditurriko Meatze Gunea. Erabateko meatze-paisaia eskaintzen du, oraindik ikusgai baitira hala nola zerura irekitako harrobiak, esterilen zabortegiak, plano inklinatu eta lur-berdinketak, meatze-sarrerak, ustiapen garaiko eraikinak eta baita garai batean minerala Pasaiako portura eramateko erabiltzen zen trenbide zaharraren bidea ere, gaur egun bidegorri bilakatua. Lur azpian berriz gizakiaren eragina handiagoa da; hainbat kilometro galeria aurkitzen baitira bertan, meatzaritza-lana eta erauzketarako gune ezberdinen sarea osatuz.

Arditurri bidea, 3 Aiako Harria Parke Naturala - Oiartzun
Webgunea bisitatu

Euskal Herriko paisaia karstikoaren erakuslehio ederra da Oñati ingurua. Bertan, EAEko mendi tontorrik garaienen barrenean, Arrikrutz-Oñatiko kobak ditugu. Ingurune hau karstaren museoa bizia dugu, arroil, amildegietan zintzilik geratu zaizkigun Aitzulo bezalako paleokobazulo eta lurpeko mundua gerturatzen diguten Arrikrutz-Oñatiko kobazuloekin batera.

Arantzazu Santutegira igoera 4. kilometroa
Webgunea bisitatu

Txingudiko padurek Gipuzkoako hezegunerik garrantzitsuena osatzen dute. Pirineoen eta itsasoaren artean kokatutako biodibertsitatearen altxor honek, hainbat habitat aberats ditu Bidasoa ibaiarekin duen erlazioari esker. Hain zuzen ere honen itsadarrean, Irun, Hondarribia eta Hendaia bateratzen dira, non oraindik garai bateko paisaiaren edertasuna nabarmentzen den.

Pierre Loti Ibilbidea 20304 - Irun
Webgunea bisitatu

Eureka Zientzia Museoa, kutxaren Gizarte Ekintza, gure gizartearentzako kultura- eta hezkuntza- baliabide bat da.

Donostiako Miramongo Parke Teknologikoan dago, ingurune natural ikusgarrian, eta museo interaktiboa da. Izan ere, informazioa modu erakargarrian aurkezten du eta komunikazio-estilo berria du, objektuen maneiuan eta esperimentuetan oinarritua.

Mikeletegi, 43. 20009 Donostia - San Sebastián
Webgunea bisitatu

Fagus Alkiza Interpretazio Zentroa Hernio-Gazume Kontserbazio Bereziko Eremua ezagutzeko gunea da. Natura, gizakia eta bien arteko harremanetik sortzen den kultura dira ardatz nagusiak, eta hauen arabera, atal ezrbedinetan banaturik dago zentroa.

Balio ekologiko handiko ingurunea da eta bertako habitatak eta espezieak ulertzeko gakoak emango dizkizugu Fagusen, bai zentroan bertan eta baita ibilbide gidatuetan ere. Eskola-umeentzat zein taldeentzat neurrira egindako bisitak antolatzen ditugu. Naturaz gozatzeko aparta da Fagus Alkiza Interpretazio Zentroa.

San Martin Plaza Zenbaki Gabe 20494 - Alkiza
Webgunea bisitatu

1986. urtearen bueltan, Udaletxean bertan zegoen lokal batean, Eskoriatzako Museo Eskola sortu zen Luis Ezeiza Herri Eskolan historia arloa lantzeko proiektu osagarri bezala. Beranduago, Udalak Ibarraundi jauregia erosi zuen eta 2005. urtean, ordura arte Eskoriatzako Museo Eskola izandakoa Ibarraundi museoa izatera pasatu zen.Ibarraundi jauregia XV. mende erdialdekoa dela uste da, Erdi Aro bukaerakoa, Galartza familiarena.

Intxaurtxueta auzoa, s/n - Eskoriatza
Webgunea bisitatu

Gaur egun Ingurugiro Etxea museoa izenarekin ezagutzen dugun eraikuntza hasiera batean Umeentzako Museoa izan zen. Umeentzako museoa 1986an Azpeitiko udalaren eta Eusko Jaurlaritzako Lurralde Politika eta Garraio Sailaren artean sinatutako hitzarmenari esker sortu zen, 1987ko ekainaren 5ean inauguratu zuten. Museoaren helburu nagusia bisitariek ingurumena babesteko ezagupenak, interesa, eta beharrezko sentsibilitatea lortzea izan zen.

Loiola auzoa, 1 20730 - Azpeitia
Webgunea bisitatu

Iturraran XVIII. mendeko jatorrizko egurrezko egitura mantentzen duen baserri ederra da eta bisitarientzako harrera-gunea izateaz gain, Pagoetako Parke Naturalaren interpretazio-zentroa ere bada.

Pagoetako Parke Naturala S/N - Aia
Webgunea bisitatu

Kutxa Gizarte Ekintzatik bultzatutako proiektua da Kutxa Ekogunea, eta Gipuzkoako errealitate sozial, kultural eta ekonomikoari lotuta, jasangarritasunaren kulturaren sentsibilizazio eta dinamizazioan eta ingurumenarekiko errespetuan proiekturik interesgarrienetako bat bezala aurkezten da.

Rekalde- Hernani errepidea z/g 20009 Donostia
Webgunea bisitatu

Museo honetako pieza gehienen erreferentziak nekazal mundukoak dira: laia eta goldeak, gurdi eta lanabesak, gari-makina, sagardo tolarea, lapikoak, kutxak, oramahaia... etxape, janari eta jazkia eskuratzeko lanbide gogorren lekukoak dira; baina baita josteko makina, telefonoa, argizaiola, liburuak, erretrato zaharrak, pisuak... erlijioaz, merkataritzaz, kirolaz, gerraz, jaiaz, emigrazioaz mintzatzen zaizkigunak.

Larraulgo museoa. C/San Esteban plaza. 20159 / Larraul
Webgunea bisitatu

Benetako eszenario eta pertsonaia historikoekin, eta hezur-haragizko aktore baten dramatizazioarekin egiten da Agur Lili antzezlana.

Bakarrizketa batean, jauregian bizi izan zen lilitarren leinuko azken biztanleak, Andre Madalenek, 1680. urtera eramango ditu bisitariak, eta etxeko gelak eta aretoak ikusiko dituzue bidean.

Portale kalea, 1 - 20740 Zestoa
Webgunea bisitatu
— 15 Elementu orri bakoitzeko
1 - 15 erakusten 19 emaitzetatik.