Haur, nerabe eta gazteentzako sustapen digitalerako tresnak

Sare sozialak:

Sare sozialak ezagutzea garrantzitsua da. Ez ditugu denak erabili behar, sare sozial bakoitzak funtzio, helburu eta erabiltzaile mota desberdinak ditu. Gure hartzaileak non dauden ezagutu beharko dugu eta horiek ondo aztertu. Facebook, Youtube, Twitter, Instagram, Tik-tok, Whatsapp...sare sozialen kanal ofizialak kontsutatu ditzakezu. Bertan hauei buruz jakin beharreko guztia aurkituko duzu.

Sorkuntzarako tresnak:

Esku hartzeak sorkuntza lana du atzetik. Irudi libreak jaitsi, ordenagailuaren pantaila grabatu eta bideotutorialak sortu, marrazki adimentsuak egin, tablet eta mugikorretan argazkiak editatu, ikasturte amaierako oroigarriak sortu...

Sorkuntza digitala garatu ahal izateko doako tresna asko daude, hauek adibide gisa jartzen baditugu ere, beste batzuk erabiltzeko hautua egin dezakezue.

Esku-hartzeko plataformak:

Maiz, Interneten gure presentzia sustapen digitalaren arlora mugatu dugu: ekintzen argazkiak igo edo gaztelekuan egingo dugun tailer baten berri eman, adibidez. Esku-hartze birtualak aukera paregabea eskaintzen digu, aurrez aurrekoa ez izan arren, gure heziketa-ereduari eusteko, zerbitzuaren erreferentzialtasuna bermatuz. Plataforma asko daude; horregatik komeni da hartzaileekin adostea zein nahiago duten.

Haur eta nerabeekin lantzeko baliabideak:

Kulturadigitala.eus webgunean hainbat baliabide dituzu haur eta nerabeekin lan egiteko. Horien helburua da nortasun digital egokia garatzeko heztea.

Sareko 10 portaera egokiak, alegia Interneten bete behar diren arau eta eginbeharren multzoa, arriskuak, informazio faltsuak, gailu teknologikoen gehiegizko erabileraz hausnartzeko dinamikak, etab..