Programak

18-30 urte bitarteko Gipuzkoako gazteei ahalduntze prozesuan lagunduko dien prestakuntza eskaintza da hau, sortu berria eta hemendik aurrera martxan jarriko duguna.

Gipuzkoako gazteei bereziki zuzendutako bekak aurkituko dituzu, "Gazteak auzolanean" programaren bidez beren ingurunea inplikatuz proiektu kolektiboak garatu nahi dituztenak, interes publikoko gizarte-eraldaketako prozesuak errazteko helburuarekin.

Gipuzkoan Gazte Tour da Gipuzkoan musika eta arte eszenikoen inguruan hainbat ekimen biltzen dituen programa. Gipuzkoako Foru Aldundiarena da, eta beste hainbat eragilerekin elkarlanean garatzen du.

Gazte eta nerabe gipuzkoarrentzat ireki den leiho berri bat da. Izatez, ostegunero Youtuben lekua hartu duen 15 minutu inguruko WEB-TV bat. Ondoren, mota guztietako edukiak Instagramen ere partekatu dira, oraindik ere oihartzun handiagoa izan dezaten: teknologia, zientzia, musika, sare sozialak, planak, gomendioak, kontzertuak, tutorialak…

Kultura ezberdinak ezagutzeak, beste herrialdeetako gazteekin elkarlanean proiektuak garatzeak eta bidaiatzeak eragin oso onuragarria izan dezakete gazteen garapen pertsonalean eta profesionalean.

Kultura Digital@: gaitasun digitalen garapena baino harago, digitala denaren kultura eta digitalki lantzen den kultura da. Egitasmo honek Gipuzkoako haur, nerabe eta gazteen alfabetatze, gaitasun eta inklusio digitalak sustatzen ditu eta, aldi berean, haien sorkuntza eta ekoizpen digitala bultzatu.

Udabizik biltzen ditu uda honetan Gipuzkoako haurrek eta gazteek egin ditzaketen aisialdiko ekintza interesgarriak, erakunde eta elkarte desberdinek antolatzen dituztenak.

"Udalekuak" Araba, Bizkaia eta Gipuzkoako Foru Aldundien artean antolatutako programa da. 7tik 13 urtera arteko haurrentzat da, eta bertan parte hartzen dutenek aukera paregabea dute aisiako jarduera hezitzaileez gozatzeko.

Gazte-oporraldiak Gipuzkoako Foru Aldundiak antolatzen duen udako programa bat da. Gipuzkoako 14 eta 17 urte bitarteko gazteentzat da, eta bertan parte hartzen dutenek aukera izaten dute jarduera ludiko-hezigarriez gozatzeko Programa honen bitartez, dibertsiorako eta bizikidetasunerako leku bat eskaini nahi zaie gazteei, beren gozamenerako eta autonomia pertsonala finkatzeko.

Gipuzkoako Foru Aldundiak atal hau prestatu du astialdiaren arloko profesionalentzat eta boluntario aritzen direnentzat, beren ekintzak antolatzeko eginbeharretarako informazioa eta euskarria eskaintzeko asmoz.