Atzealdea Abenduaren 31ean amaitzen da “Gazteak eta aldaketa klimatikoa” bideo-lehiaketan parte-hartzeko aukera

Gipuzkoako Foru Aldundiko Ingurumen Sailak, TOPIC Tolosako Nazioarteko Txotxongiloen Etxearekin lankidetzan, “Gazteak eta aldaketa klimatikoa” bideo lehiaketa antolatu du

2019/12/16

José Ignacio Asensio Ingurumeneko diputatuak eta Karmele Kruz Topic-eko alor pedagogikoaren arduradunak «Aldaketa Klimatikoa eta Gazteak» Stop Motion lehiaketa aurkeztu berri dute. Honen helburua da gazteek aldaketa klimatikoari buruz hausnarketa egitea. 14-17 urte bitarteko pertsona guztiek parte haz dezakete lehiaketan.

 

 

Bideoak egiteko teknika Stop-Motion izango da eta Instagram da aukeratu den plataforma. Parte hartzeko @aldaketaklimatikoagipuzkoan instagram-orriari jarraitu behar zaio, #stopmotionlehiaketa traola gehitu, eta gutxienez 3 lagun etiketatu. Musika edota irudiak erabiltzen badira, copyleft lizentzia dutenak edo norberak sortutakoak erabiltzea gomendatzen da. Bideoak igotzeko azken eguna abenduaren 31 da. 5 bideo aurkeztu daitezke pertsona bakoitzeko eta, gehienez, minutu bateko iraupena izan behar dute.

 

Epaimahaia osatuko dute Topic-eko Hezkuntza Departamentuko aditu batek, Gipuzkoako Foru Aldundiko Ingurumen Saileko diputatuak eta zuzendariak eta, ikus-entzunezko gaietan aditua den pertsona batek. Sari-banaketa urtarrilaren amaieran egingo da Tolosako Topic-en, eta 2 sari banatuko dira:

- Epaimahaiaren saria: Ipad bat

- Jarraitzaileen saria: Ipad bat (like gehien dituen saria)

 

Informazio gehiago eta oinarriak gipuzkoa.eus webgunean

Iturria: Gipuzkoa.eus