Atzealdea Martxan da TREBA gurasoak 2021-22 eskaintza
2021/11/24
TREBA gurasoak programaren bitartez, Gipuzkoako Foru Aldundiko Gazteria Zuzendaritzak gurasotasun positiboa helburu duen eskaintza pedagogikoa garatu du, gurasoei haurren eta nerabeen heziketa-prozesuan lagunduko dieten gaiei buruzko hainbat hitzaldi eta tailer antolatuta. Ikusi katalogoa hemen
Lehendabizi, Gipuzkoako Foru Aldundiko Gazteria Zuzendaritzak, udaletako haur, nerabe eta gazteen sustapen-zerbitzuen laguntzarekin, Gipuzkoako guraso eta hezkuntza-eragileen (guraso-elkarte, hezitzaile…) eskura jarri zuen TREBA Gurasoak prestakuntza-jardueren katalogoa. Guraso eta hezitzaileen proposamen eta eskaerak udalerrietako teknikarien bitartez jaso ostean, Aldundiak horiek aztertu eta 2021/22 ikasturterako programazioa garatu du.
Treba gurasoak 2021/22
Aurtengo programazioak gai desberdinei buruzko hainbat hitzaldi eta tailer aurreikusten ditu, doakoak eta aurrez aurrekoak izango direnak. Hitzaldiak sentsibilizazio eta hausnarketarako ordu eta erdiko saioak izango dira. Bertan, parte-hartzaileek haur eta nerabeekin jarduteko gako txikiak jasoko dituzte. Tailerretan, aldiz, hitzaldietan garatutako gaietan sakontzeko aukera izango dute, teoria eta praktika uztartuz. Jarduera hauek guztiak gaiaren eta hartzailearen (haurren edota nerabeen guraso eta hezitzaileak) arabera bereiziko dira, eta euskaraz zein gaztelaniaz eskainiko dira.
Non | Titulua | Data | Ordua | Hartzailea | Hizkuntza |
---|---|---|---|---|---|
Zegama | HITZALDIA: Haurrak, nerabeak eta internet: ohiturak, arriskuak eta erabilera segurua | Azaroak 24 | 17:00 - 18:30 | Haurren gurasoentzat | Euskaraz |
Zarautz. Orokieta herri eskola | HITZALDIA: Emozioen garrantzia familian. Nola zaindu seme-alaben emozioak | Azaroak 30 | 18:30 - 20:00 | Nerabeen gurasoentzat | Euskaraz |
Beasain. Igartzako jauregia | HITZALDIA: Haurrak, nerabeak eta internet: ohiturak, arriskuak eta erabilera segurua | Abenduak 1 | 17:00 | Haur eta nerabeen gurasoentzat | Euskaraz |
Lasarte-Oria. Oriarte institutua, Landaberri (REM) eraikina | HITZALDIA: Sustantzien kontsumoa. Zer egin dezake familiak? | Abenduak 1 | 18:00 | Haur eta nerabeen gurasoentzat | Euskaraz |
Hernani. Udaletxeko areto nagusia | HITZALDIA: Haurrak, nerabeak eta internet: ohiturak, arriskuak eta erabilera segurua | Abenduak 2 | 18:30 | Haur eta nerabeen gurasoentzat | Euskaraz |
Urnieta. Lekaio kultur etxea | HITZALDIA: Arauak eta mugak familian. Nola ezarri era asertibo batean | Abenduak 15 | 17:00-18:30 | Haur eta nerabeen gurasoentzat | Erderaz |
Orendain. Udaletxeko areto nagusia | HITZALDIA: Emozioen garrantzia familian. Nola zaindu seme-alaben emozioak | Abenduak 18 | 11:00-13:00 | Haur eta nerabeen gurasoentzat | Euskaraz |
Tolosa | HITZALDIA: Haurrak, nerabeak eta internet: ohiturak, arriskuak eta erabilera segurua | Abenduak 20 | 17:30 | Haur eta nerabeen gurasoentzat | Euskaraz |
Jarraitu gure sareak