Atzealdea

Udalerri euskaldunen gazte-topaketa ibiltaria Zumaiatik Lekeitiora izango da

Ekainaren 29tik uztailaren 5era arte izango dira topaketak eta 14-18 urte bitarteko gazteek parte har dezakezue

2020·01·24

UEMA Udalerri Euskaldunen Mankomunitateak antolatzen dituen gazteentzako topaketak ekainaren 29tik uztailaren 5era izango dira aurten. Parte hartuko duten gazteek, Zumaiatik Lekeitiorako bidea egingo dute, Gipuzkoako eta Bizkaiko kostaldea zeharkatuz.

Topaketa hauen helburua da udalerri euskaldunetako gazteak euskarari buruz sentsibilizatzea, kontzientziatzea eta eragile aktibo bihurtzea. Urteroko topaketa hauetan, aisialdiarekin eta euskal kulturarekin lotutako egitarau erakargarri batekin, gazteek gaiaren inguruan ahalduntze kolektiborako urratsa ematea nahi da.

14-18 urte bitarteko 50 gaztek hartuko dute parte laugarrenez antolatzen den topaketa honetan. Izena emateko epea otsailaren 19an zabalduko da (martxoaren 31 arte).

Informazio gehiago: UEMA