Haurtxoko eta gaztelekuetako programak

Gipuzkoako Foru Aldundiak hainbat programa jarri ditu martxan lurraldeko haurtxoko eta gaztelekuek haurrekin eta nerabeekin egiten duten lanean laguntzeko eta, bide batez, udal-zerbitzu horien sarea indartzeko.

Programa horiek garatzeko proiektu pilotuak Gipuzkoako hainbat haurtxoko eta gaztelekutan ezartzen dira. Ondoren, asmoa da bertatik ateratako emaitzetan oinarrituta, egitasmoa zerbitzu gehiagotara zabaltzea.

Haurtxoko eta gaztelekuetan martxan jartzen diren programen oinarrian haur eta nerabeen beharrak daude beti; hau da, beraiek dira protagonistak, eta beren garapen emozional eta soziala helburua.

Programa hauetako bakoitzak, modu batera edo bestera, haiek bizitzarako ahalduntzea bilatzen du, besteak beste, honako giza balio hauek landuz: elkartasuna, elkarlana, autonomia, herritartasuna, errespetua, erantzukizuna, elkarbizitza, tolerantzia, inklusioa, aniztasuna, berdintasuna...