Gaztematikak (Gipuzkoako Haur, Nerabe eta Gazteen Sustapenerako Sistemak) antolatuta, foroa da Gipuzkoako haurtxokoetan eta gaztelekuetan lan egiten duten hezitzaile zein suspertzaileek duten topalekua, intereseko gaiak landu, esperientziak trukatu, harremanak sendotu, eta Gaztematikako eta lurraldeko haurtxoko eta gaztelekuen sareko kide izateko sentimendua garatzeko.

Villabona, Usurbil eta Donostiako gaztelekuetako 15 neraberen eta Wiesbadengo 15 neraberen arteko trukea eginda. Herritartasun digitala ardatz hartuta, hainbat ekintza antolatu dira bi egonalditan; astebetez Zarautzen eta beste astebetez Wiesbadenen. Proiektuaren gastu guztia Europatik diruz lagundu da, Erasmus + programaren baitan.

Ibarrako gaztelekuan parte hartzen duten DBH2 eta 3ko nerabeek “Herrian pentsatuz, auzolana sustatuz” ekimena garatu dute. Nerabeek bultzatutako ekintza da, eta auzolanaren bidez bertako hiri-altzariak berritzeko eta herriko espazioak bereganatzeko asmoa du. Ekimenaren helburua da herritarren parte hartze aktiboa sustatzea, eta nerabeak sozializatzen diren espazio publikoarekiko ahalduntzea.

"Enea zurea" sentsibilizazio- eta solidaritate-proiektua da, beste herrialdeetako haurren eta gazteen errealitatea, kasu honetan Nepaleko haurren eskubide eta beharrak, Azkoitiko Ludotekoko haurrei gerturatzeko martxan jarri dena.

Donostian, 15-25 urteko gazteek hainbat irratsaio sortu eta kudeatzen dituzte lan-taldean.

Hezkuntza formala eta ez formalaren arteko elkarlana da nagusi, baita haur eta nerabeen parte-hartze aktiboa ere.

Hernanin aurrera eramandako ekimena da. Gazte Txokoko hezitzaileen, kale-hezitzaileen, gizarte-langilearen eta gazteria-teknikariaren arteko koordinazio-sistema martxan jarri da.

Gipuzkoako Nerabe Zerbitzuetako hezitzaileak, modu adostuan, Herritartasun Digitalaren gaia lantzen hasi dira.

LH5etik DBH4erako ikasleentzat ipuinak idazten laguntzeko tailerrak antolatu dituzte Mendaroko udalak, udal liburutegiak eta guraso elkarteak. Bertan, idazle profesional batek idazteko tailerrak eskaini ditu eta, gainera, ipuin kontalari saioak antolatu dira.