Arrasateko gazte txokoak tresna berria sortu du, lan-taldean hezkidetza integralki txertatzea bermatzen duena. Gaztematikan, hezitzaileentzako berdintasunari buruzko prestakuntza-planaren testuinguruan sortu da tresna. Honen bitartez, ziurtatu nahi da haurrentzako eta nerabeentzako zerbitzuetan egingo den esku-hartzea hezkidetzaren araberakoa izango dela.

Arrasateko gazte txokoko lan-taldeak sortu zuen 2014-2015 urtean. Berdintasuna bermatzen duten joerak garatu ahal izateko, lehenik, errealitatearen hausnarketa bat egin zen; behatzaile-irudiak sortu ziren eta, eguneroko jarrerei buruzko galdeketa-fitxa bati erantzunez, hobetzeko puntuak identifikatu ziren. 

Betetzen diren irizpide nagusiak:

• Planifikatua
• Berritzailea: zerbitzuetan zehar-lerroak txertatzeko bidea erakusten du; kasu honetan, berdintasuna.
• Adostutako proiektua da: gaztelekuetako koordinatzaileen eta hezitzaileen inplikazioa berebizikoa izan da
• Jasangarria: behaketa-prozesuan jaso den informazio guztia txosten batean jaso da, eboluzioa egon dela esplizitatu ahal izateko.
• Erreferentea: sortu diren tresnak baliagarriak izan daitezke beste zerbitzuentzat.