Autoezagutza eta ongizate emozionalaren oinarriak: oinarrizko ikastaroa

Helburu orokorra:

• Gaur egungo gizartean moldatzeko eta, orokorrean, gure bizitza ahalik eta egokien kudeatzeko, ezinbestekoa da gure burua ezagutu eta maitatzen ikastea. Gazteen ahalduntze-prozesuan onarpen pertsonalak berebiziko garrantzia du; aurrera egin ahal izateko lehen pausoa norberaren burua ezagutu eta maitatzen ikastea da. Ikastaro honetan landuko dena hori izango da: nola egin dezakegun nork bere burua ezagutu eta onartzeko. Ongizate emozionalaren oinarrizko ikastaro honetan, ongizate emozionala bermatzeko oinarriak ikasiko ditugu eta autoezagutzaren bidean lehen pausoak emango ditugu.

Helburuak:

• Norberaren ongizatea lantzeko oinarriak.
• Onarpen pertsonala sustatzea.
• Norberaren baloreak eta helburu pertsonalak izendatzea.
• Nork bere gaitasunak eta gabeziak ezagutu eta etekina ateratzen jakitea.
• Autoestimua hobetzea.
• Beste taldekideen esperientzia eta bizipenetatik ikastea.

Metodologia:

• Metodologia praktikoa izango da, bizipenetik ikastea. Coaching, PNL edo eta garapen pertsonalerako bestelako diziplinetan oinarritutako dinamikak proposatuko dira.