Mugaldeko langile izaera hartzeko betekizunak

  • Pertsona fisikoa izatea.
  • Beren ohiko egoitza Frantzian izatea.
  • Inorentzat lan egiteagatik Gipuzkoako Lurralde Historikoan soldatak, alokairuak eta gainontzeko ordainsariak lortzea, salbu honako hauek:
    • Asistentzia dietak eta antzeko ordainsariak, sozietate egoiliarren administrazio kontseiluetako kideek edo horien ordezko batzordekideek jasotakoak direnean.
    • Lurraldeko herri administrazioetako funtzionario edo langileek edo zuzenbide publikoko pertsona juridikoetakoek jasotzen dituzten ordainsariak.
    • Lurraldeko herri administrazioei edo zuzenbide publikoko pertsona juridikoei emandako zerbitzuengatik jasotako pentsioak, salbu nazionalitate espainiarra ez duen pertsona fisiko batek jasotzen dituenean.
  • Egunero beren ohiko bizilekura itzultzea.