Zerga iruzurra saihesteko lankidetza hitzarmena

Ogasun eta Finantza Departamentuaren helburu estrategikoetako bat da zerga betebeharren betetze-maila hobetzea, ongizatearen estatua bermatzen duten kontribuzioei gizarteak balio sozial handiagoa emateagatik eta iruzurrezko jokabideen aurrean tolerantzia soziala murrizteagatik.

Helburu hori betetze aldera, departamentu honek mekanismoak ezarri ditu Gipuzkoako agente eta kolektiboekin gizarte lankidetza bideratzeko,  jardunbide onen hitzarmen bat izenpetuz. Hitzarmenak bi helburu hauek ditu: alde batetik, zerga iruzurraren aurkako borrokan lankidetza sustatzea, eta, bestetik, Gipuzkoako Foru Ogasunaren eta organismo horien arteko komunikazio kanal iraunkor bat izatea.

Hauek dira zerga iruzurra saihesteko lankidetza hitzarmena sinatu duten erakundeak:

  • ADEGI-Gipuzkoako Enpresen Elkartea
  • Gipuzkoako Merkataritza, Industria eta Nabigazio Ganbera Ofiziala
  • Gipuzkoako Merkatarien Federazioa
  • Gipuzkoako Ekonomisten Euskal Elkargoa
  • Gipuzkoako Abokatuen Elkargo Ofiziala
  • Euskal Autonomia Erkidegoko Kudeatzaile Administratiboen Elkargo Ofiziala
  • Gipuzkoako Zerga Aholkularien Elkarte Profesionala
  • Gipuzkoako Gizarte Graduatuen Elkargo Ofiziala.

Informazio gehiago

Agiri erantsia: hitzarmen eredua (PDFa)