Zerga tasak

Eskualdaketen gaineko Zerga honako tasa eta mailaketa hauen arabera ordainduko da:

• %7: Ondasun higiezinen eskualdaketak, etxebizitzak salbu, eta ondasun horien gaineko eskubide errealak eratzea eta lagatzea, berme eskubide errealak (hipoteka) izan ezik.
• %4: Etxebizitzen eskualdaketak, hurrengo puntuan zehaztutakoak salbu, eta hauekin batera eskualdatzen diren eranskinak eta garaje plaza independenteak (gehienez bi), beti ere eraikin berdinean badaude, eta baita hauen gaineko eskubide errealak eratzea eta lagatzea, berme eskubide errealak (hipoteka) izan ezik.
• %6: Etxebizitzen eskualdaketak, 5 etxebizitza baino gehiagoren titularra izatea, 100eko 50etik gorako portzentajean etxebizitza bakoitzeko eta % 2,5eko tasa murriztua aplikatzeko baldintzak betetzen ez dituena.
• %2,5: Ohizko etxebizitzen eskualdaketak eta hauekin batera eskualdatzen diren eranskinak eta garaje plaza independenteak (gehienez bi), beti ere eraikin berdinean badaude, hurrengo baldintzak betetzen badira:
  1. Etxebizitza eroslearen ohiko bizilekua izatea. Horretarako, orokorrean, etxebizitza erosi  eta hurrengo 12 hilabetetan joan beharko da bizitzera eta bertan, gutxienez, hiru urte pasa beharko dira jarraian.
  2. Eraikitako azalera 120 m² -tik gorakoa edo azalera erabilgarria 96 m² -tik gorakoa ez izatea. Gainera, familiabakarreko etxebizitzen kasuan, lursailaren azalera, eraikinak hartzen duena barne, 300 m² -tik gorakoa ezingo du izan. Baldintza hau ez dute bete beharko familia ugariko titularrek.
  3. Erosleak ezin du eduki jabetzan beste etxebizitza bat 100eko 25etik gorako portzentajean, eskuratu nahi den etxebizitza kokatuta dagoen udalerri berean. Beharkizun hori ez da urratutzat joko jabea beste etxebizitza baten titularra denean, betiere etxebizitza hori bi urteko epean eskualdatzen bada, c) letra honetan jasotako tasan tributatu duen etxebizitza eskuratu duenetik aurrera.
• %4: Ondasun higikorrak (ibilgailuak…) eta abereak eskualdatzen direnean: ondasun horien gaineko eskubideak eratzea eta lagatzea, berme eskubide errealak (hipoteka) izan ezik, eta turismo erabilerako ondasun higiezinak txandaka ustiatzeko (jabeaniztasun) eskubideen eskualdaketak. Emakida administratiboak.
• %1: Berme eskubide errealak eratzen direnean: hipotekak, pentsioak, fidantzak edo maileguak ematean edota izaera orotako kreditu lagatzean.

Etxebizitzen errentamenduetan, baita garaje eta eranskinen kasuan ere, Zerga dirutan ordainduko da honako mailaketa honen arabera: