Pertsona Fisikoen Errentaren gaineko Zergaren, Sozietateen gaineko Zergaren subjektu pasiboentzako (zergadunak) edo Ez-egoiliarren Errentaren gaineko Zergaren zergadunentzako negozio zifraren zenbateko garbiaren zenbatekoa kalkulatzeko honakoak izango dira kontuan:
Bi urte lehenagoko negozio zifraren zenbateko garbia, hau da, zerga horiek aitortzeko epea Jarduera Ekonomikoaren gaineko Zergaren sortzapena gertatu aurreko urtean amaitzen den zergaldiari dagokiona.
Zergadunaren jarduera ekonomiko guztiak izango dira kontuan.
Ez-egoiliarren Errentaren gaineko Zergaren zergadunen kasuan, lurralde espainiarrean kokatutako establezimendu iraunkorren multzoari aplika dakiekeen negozio zifraren zenbateko garbiaren arabera egingo da.