Ondare eskualdaketak

Zergaren deskripzioa eta ereduak

Ondare Eskualdaketen eta Egintza Juridiko Dokumentatuen gaineko Zerga (OEZ/EJDZ) ordaindu behar da, besteak beste, bigarren eskuko etxebizitza edo ibilgailu bat erostean edota notario baten aurrean agiriren bat egiten denean. Salerosketa dagokion erregistro edo erakundean (Jabego Erregistroa edo Trafiko) inskribatu aurretik, zerga hau entitate laguntzaileren batean ordaindu eta Gipuzkoako Foru Aldundiko Ogasun eta Finantza Departamentuan (Errotaburu Pasealekua 2, 20.018 Donostia) edo Herritarren Arretarako Bulegoetan aurkeztu behar da.

Zerga hau ordaintzeko obligazioa dago prezio baten truke (kostu bidez) ondare eskualdaketa bat egitean, sozietate bateko eragiketak burutzean edota notarioaren aurrean agiriak edota administrazio zein merkataritza arloko dokumentu jakin batzuk formalizatzean.

Zergapeko egintzak izango dira adibidez:

• Prezio baten truke (kostu bidez) egindako ondare eskualdaketak: Ondasun higikor edo higiezin baten salerosketa, eskubide erreala (usufruktua) eratzea edota errentamendua.
• Sozietate baten eragiketak: Sozietatea eratzea, kapitala gehitu edo gutxitzea edo desegitea.
• Egintza Juridiko Dokumentatuak
• Notaritzako dokumentuak: eskriturak, aktak eta notarioaren aurrean egindako lekukotzak.
• Dokumentu administratiboak: Erregistro Publikoetan egindako prebentziozko idatzoharrak, esate baterako: bahiturak, jabetza bati buruz erabaki gabeko demandak, eta abar.
• Merkataritzako dokumentuak: kanbio-letrak, ordaindukoak, ordainagiriak eta jiroaren pareko dokumentu oro.

Zerga honekin erlazionaturiko zerga ereduak honakoak dira: