50 urte Europar Batasunaren sorreratik eta 20 urte Gipuzkoa bertan dagoenetik: gizarte eragina eta etorkizunerako begirada

Ospakizun hauek direla eta, Gipuzkoako Foru Aldundiko Ogasun eta Finantza Departamentuak argitalpen berri bat kaleratu du. Joan den urtearen amaieran ospatu zen Jardunaldian egindako ekarpenak jasotzen ditu argitalpen honek.

Europa mailan, epe ertain eta luzera begira, geure etorkizuna bideratzen laguntzea da argitalpen honen azken xedea.

Gipuzkoak Europan duen gaur egungo egoerari eta etorkizunari buruzko hausnarketarako hauek dira aurkeztu ziren hiru gai nagusiak bederatzi ponentzietan:

- Europar Batasuna, Euskal Autonomia Erkidegoa eta Gipuzkoa: etorkizunerako begirada.

- Gipuzkoako ekonomia eta hezkuntza errealitatea Europar Batasunaren eremuan: azken 20 urteotako ikuspuntua, eta etorkizuna.

- Gipuzkoako gizarte errealitatea Europar Batasunaren eremuan: azken 20 urteotako ikuspuntua, eta etorkizuna.

Atal hauek osatzen dute liburua:

• Aurkezpena. Pello Gonzalez – Ogasun eta Finantza Departamentuko foru diputatua
• Lau hausnarketa Europa eta Europaren etorkizunari buruz. Juan Jose Ibarretxe – Eusko Jaurlaritzako lehendakaria
• Gipuzkoa eta Europar Batasuna, etorkizun partekatua. Markel Olano – Gipuzkoako diputatu nagusia
• Lisboako Ituna, erregioen gaia eta Europar Batasunaren etorkizuna. Gurutz Jauregui – Konstituzio Zuzenbideko katedraduna
• Gipuzkoa Europar Batasunean: Ekonomia eta hezkuntzaren errealitatea, eta etorkizuna. Adrian Celaya – MCCko idazkari nagusia
• EHU eta Gipuzkoako Campusa Europar Batasunari atxiki zirela 20 urte pasa direnean: erabaki haren eragina lurralde garapenean eta etorkizunerako eta Europarako begirada. Cristina Uriarte – UPV/EHUko Gipuzkoako campuseko erretoreordea
• Hogei urte Gipuzkoa Europar Batasunean dagoenetik: lortutako emaitzak, etorkizunerako erronkak eta administrazio publikoaren jarduera. Pello Gonzalez – Ogasun eta Finantza Departamentuko foru diputatua
• Gipuzkoako gizartearen errealitatea Europar Batasunari atxiki ondoren: ikuspegi pertsonala. Arantxa Urretabizkaia – Idazle eta kazetaria
• Gipuzkoako gizarte errealitatea eta euskal administrazio publikoen politiken erronkak. Iñigo Lamarca – Arartekoa
• Gipuzkoako Foru Aldundiaren gizarte politika Gipuzkoako gizartean eman diren aldaketen argitan. Maite Etxaniz – Gizarte Politikako Departamentuko foru diputatua

Informazio gehigarria

Agiri erantsia: 50 urte Europar Batasunaren sorreratik eta 20 urte Gipuzkoa bertan dagoenetik “gizarte eragina eta etorkizunerako begirada” (liburu osoa PDFn)