2021eko lehen lauhilekoan Gipuzkoako enpresen salmentak %14,3 igo dira
Apirileko “Salmentak, kanpo merkataritza, enplegua eta soldatak” txostenaren arabera, 2021eko lehen lauhileko honetan Gipuzkoako enpresen salmenta osoak %14,3 handitu dira, 2020ko lehen lauhilekoarekin alderatuta. Esportazioen hazkundea %18,2koa izan da, eta barruko salmentena pixka bat txikiagoa (+%12,3). Errebote positibo hori iazko martxoko eta apirileko beherakada handiaren ondorio da, alarma egoeraren adierazpenaren, ondorengo konfinamenduaren eta ekonomian funtsezkoak ez ziren jarduera guztiak gelditzearenak.
- 721
Horregatik, eta testuinguru horretan, agian egokiagoa da aldaketa tasak ikustea epealdi homogeneoagoekin alderatuta, hala nola 2019ko lehen lauhilekoarekin alderatuta. Kasu horretan, salmenta osoak %1,3 baino ez dira jaitsi, eta antzeko portaera izan dute barruko salmentek (-%1,4) eta esportazioek (-%1,2). Hau da, 2021eko lehen lauhilekoan, non lehen hilabeteetan mugikortasuna murrizpenak izan ziren (urte amaierako jaien ondoren pandemia areagotu egin zelako), garai normal baten antzeko salmenta maila erakusten du.
Lan-merkatuan, 2021eko apirilean, lan etekinen jasotzaileen kopurua %3,5 igo da urte arteko terminoetan, nahiz eta urteko metatuan %1,4ko jaitsiera izan. Apirilean, ordaindutako soldatak %12,4 igo dira 2020ko hil beraren aldean, eta urteko metatuan igoera +%2,8koa da. Emaitza horiek, salmentek bezala, aurreko urteko murrizketa nabarmenaren eta ERTEen eraginaren eraginpean daude.
Informazio gehiago: Salmentak, kanpo merkataritza, enplegua eta soldatak – 2021eko apirila (pdf)