UFFFaren 2019ko likidazioa

Diputatuen Kontseiluak, 2020ko otsailaren 14ko bileran, Udalak Finantzatzeko Foru Funtsaren (UFFF) 2019ko likidazioa onartu du, 529.508 mila eurokoa. Zenbateko horretatik, %99,85 udalei dagokie eta gainerako %0,15 EUDELi.

Bestalde, 2019. urtearen barruan, bai udalek eta bai Eudelek UFFFaren konturako ordainketak jaso dituzte, 517.894 mila eurokoak guztira.

Ondorioz, likidazioak Gipuzkoako udalen aldeko saldoa eman du, 11.614 mila eurokoa. Zenbateko horretatik, 11.596 mila euro udalei ordainduko zaie eta 17 mila euro EUDELi.

Kopuru horiek otsailaren 25ean ordainduko zaizkie udalei eta EUDELi, 2020ko UFFFaren lehenengo hiruhileko konturako ordainketarekin batera.

2019ko UFFFaren likidazioaren saldoa kontabilitatean aplikatzeko, 2019ko aurrekontuari egoztea aholkatzen da.

Informazio gehigarria

Agiri erantsia: 2019 UFFF likidazioa (PDF)