Zergaren aldaketa

Entitate Lokalen zerga sistema aldaketa

Martxoaren 19ko 4/2003 Foru Arauak (PDF), Entitate Lokalen zerga sistema eraberritzekoak, aldaketa sakonak egin ditu Gipuzkoako Lurralde Historikoan indarrean dagoen udal zerga sisteman.

Jarduera Ekonomikoen gaineko Zergari dagokionez, aldaketa batzuek 2003an izan zuten eragina eta beste batzuk, berriz, 2004az geroztik aplikatzen dira.

Hona hemen aldaketa nagusiak:

• Jarduera batean hasten diren subjektu pasiboak salbuetsita geratzen dira jarduera hasi eta lehen bi zergaldietan. (2003tik aurrera).
• Bi milioi eurotik beherako eragiketa bolumena duten subjektu pasiboak salbuetsita geratzen dira. (2003tik aurrera).(Aldaketa).
• Ponderazio koefiziente bat sortzen da tarifetako kuoten gainean aplikatzeko. Subjektu pasiboaren negozio zifra zenbateko garbiaren arabera kalkulatzen da. (2004tik aurrera).(Aldaketa).
• Udalei ahalmena ematen zaie hainbat hobari ezartzeko. (2004tik aurrera).
• “Behargin kopurua” deituriko elementua ez da aintzat hartu beharreko faktorea izango Jarduera Ekonomikoen gaineko Zergaren kuotan. (2004tik aurrera).
• Epigrafe berezi bat sortu da telefonia mugikorreko operadoreentzat. (2003tik aurrera).
• Zergaren kuota murrizten da subjektu pasiboek zerbitzu soziokulturaletarako eta haurtzaindegi zerbitzuetarako erabiltzen duten azaleraren arabera. (2004tik aurrera).
• Uztailaren 4ko 4/2012 Foru Arauak (PDF),udal zergen esparruan zenbait aldaketa sartzen ditu, eta honen artean, bolumen eragiketa kontzeptua aldatzen da,  orain negozio zifraren zenbateko garbia hartuko da. baita ere, 2.000.000 eurotako muga 1.000.000 eurotara jaisten da.

Eredu berri baten onarpena

Maiatzaren 19ko 533/2003 Foru Agindua (PDF), eragiketa bolumenaren zenbatekoa Jarduera Ekonomikoen gaineko Zergan jakinarazteko 842 eredua onartu da.