Enpresak

Atxikipenen eta konturako sarreren zerga aitorpenak ondoko zergetako subjektu pasiboei etekinak (atxikipena eta konturako sarrerak dituztenak) ordaintzen zaizkienean aurkeztu beharko dira:

• Pertsona Fisikoen Errentaren gaineko Zerga
• Sozietateen gaineko zerga
• Ez-egoiliarren Errentaren gaineko Zerga

Eredu horiek hiruhilero edo hilero aurkeztuko dira eta atxikitako zenbatekoak, edo atxiki behar izango liratekeenak, Foru Ogasunean sartuko dira, atxikipena egin dena edo ez dena alde batera utzita.

Era berean, zergaldiaren amaieran subjektu pasiboek urteko aitorpen informatibo batzuk aurkeztu behar dituzte atxikitako zenbatekoekin erlazionatuak eta, horretaz gain, atxikipena egin zaien subjektu pasiboei egindako atxikipena edo egindako bestelako konturako ordainketak egiaztatzen dituzten egiaztagiriak egin beharko dira.

Erlazionaturiko ereduak honakoak dira:

• 110 Lan etekinengatik, jarduera ekonomikoen etekinengatik eta sariengatik egindako atxikipenen eta konturako sarreren hiruhileko aitorpen-likidazioa

  Hiruhilean lanaren, jarduera ekonomikoen edo sarien etekinak ordaintzen dituztenek aurkeztu beharrekoa.

• 111 Lan etekinengatik, jarduera ekonomikoen etekinengatik eta sariengatik egindako atxikipenen eta konturako sarreren hileko aitorpen-likidazioa

  Hilero ekitaldian lanaren etekinak, jarduera ekonomikoen etekinak edo sariak ordaindu eta, horretaz gain, bere eragiketa bolumenak aurreko ekitaldian 6.010.121,04 euro baino gehiagoko eragiketa bolumena izan zutenek aurkeztu beharrekoa.

• 115 Hiri ondasun higiezinak errenta emateagatik lortutako etekinen gaineko atxikipen eta konturako sarrerak. Aitorpena-ordainketa agiria

  Eredu hori aurkeztera behartuak daude atxikitzaileak eta atxikipenari lotutako ondasun higiezin hiritarren errentamenduko etekinak ordaintzen dituzten konturako sarrera egitera behartutakoak.

• 117 Errentei edo ondare irabaziei aplikatutako atxikipenen eta konturako sarreren aitorpen-likidazioa: inbertsio kolektiboko erakundeen kapital edo ondarearen akzio edo partaidetzak eskualdatzea edo itzultzea

  Eredua inbertsio kolektiboko erakundeetako kapital edo ondarearen partaidetza edo akzioak itzuli edo eskualdatzetik datozen ondare irabazien atxikipena egiteko erabiliko da.

• 123 Errentak eta kapital higikorren etekinak. Atxikipenen eta konturako sarreren aitorpen-likidazioa

  Higiezinen kapitalaren etekinen gaineko atxikipenei egiten die erreferentzia, banku kontuetako interesak eta 124 ereduan likidatzen diren izaera inplizitukoak salbuetsita.

• 124 Aktibo finantzarioak eskualdatu, amortizatu, berreskuratu, trukatu edo bihurtzeagatik lortutako errentak eta kapital higikorraren etekinak. Atxikipenen eta konturako sarreren aitorpen-likidazioa

  Besteren kapitalak hartu eta erabiltzea adierazten duten aktiboak eskualdatu, amortizatu, berreskuratu, trukatu edo bihurtzeagatik lortutako errenten eta kapital higikorraren etekinen gaineko atxikipen eta konturako sarreren eredua.

• 126 Finantza erakundeetan zabaldutako kontuetatik, aktibo finantzarioetan oinarritutakoak, barne, eratorritako errentak eta kapital higikorraren etekinak. Atxikipenen eta konturako sarreren aitorpen-likidazioa

  Mota guztietako finantza entitateen kontuetatik (aktibo finantzarioen gaineko eragiketetan oinarritutakoak barne) eratorritako kontraprestazioagatik lortutako errentak eta kapital higikorraren etekinak. Atxikipenak eta konturako sarreren eredua.

• 128 Kapitalizazio eragiketetik eta bizi edo elbarritasun aseguru kontratuetatik datozen errentak edo kapital higikorraren etekinak. Atxikipenen eta konturako sarreren aitorpen-likidazioa

  128 eredua aurkeztera derrigortuak daude kapitalizazioko eragiketetatik eta bizi edo baliaezintasuneko aseguruen kontratuetatik sortutako kapital higiezinaren errentak edo etekinak ordaintzen dituzten pertsona edo entitateak aurkeztera derrigortuak daude.

• 211 Ez-egoiliarren errentaren gaineko zerga. Establezimendu iraunkorrik gabe lortutako errentak. Ondasun higiezinen eskualdaketaren atxikipena

  Gipuzkoan kokatutako ondasun higiezinak erosten dituztenek erabili beharko dute establezimendu iraunkorraren bitartekaritzarik gabe jarduten diren ez-egoiliarrek eskualdatzen dituztenean.

• 216 Establezimendu iraunkorrik gabeko ez-egoiliarrek lortutako errentei egindako atxikipenen eta konturako sarreren aitorpen-likidazioa

  Establezimendu iraunkorrik ez duten Zergadun Ez-egoiliarren Errentaren gaineko Zergaren zergadunei errentak ordaintzen dizkietenek aurkeztu beharrekoa.

• 230 Loteria eta apustu jakin batzuetako sarien gaineko karga bereziaren atxikipenak eta konturako sarreren autolikidazioa.

  Loteria eta apustu jakin batzetako sarien gainekoa karga bereziari lotuta dauden sariak ordaintzen dituenak aurkeztu behar du.

• 410 Kreditu entitateetako gordailuen gaineko zergaren konturako ordainketa.

  Kreditu entitateetako gordailuen gaineko zergaren zergadunek direnek aurkeztu behar dute.

• 411 Kreditu entitateetako gordailuen gaineko zerga.

  Eredu hau aurkeztera behartuta daude abenduaren 27ko 16/2012 Legeak 19. artikuluan xedatutakoaren arabera kreditu entitateetako gordailuen gaineko zergaren zergadun direnak.